ಸಾಲಿಗ್ರಾಮ ಶ್ರೀ ಗುರು ನರಸಿಂಹ ದೇವರ ಭವ್ಯ ದರ್ಶನ

ಕೋಟ: ಸಾಲಿಗ್ರಾಮದ ಶ್ರೀ ಗುರು ನರಸಿಂಹ ದೇವಸ್ಥಾನ ಇದರ ವಾರ್ಷಿಕ ಭವ್ಯ ದರ್ಶನ ಇತ್ತೀಚಿಗೆ ಜರಗಿತು. ದೇಗುಲದ ಆಡಳಿತ ಮಂಡಳಿಯ ಅಧ್ಯಕ್ಷ ಡಾ.ಕೆ.ಎಸ್. ಕಾರಂತ ದಂಪತಿಯಿoದ ತೀರ್ಥ ಮಂಟಪದ ಮುಂಭಾಗದಲ್ಲಿರಿಸಿದ್ದ ದೀಪವನ್ನು ಪ್ರಜ್ವಲಿಸುವದ ಮೂಲಕ ದೇವರ ಭವ್ಯ ದರ್ಶನಕ್ಕೆ ಚಾಲನೆ ನೀಡಿದರು.

ದೇಗುಲದಲ್ಲಿ ಭಕ್ತ ಸಮೂಹದ ನಡುವೆ ಮೇಳೈಸಿದ ಭವ್ಯ ದರ್ಶನ ಮುಂಜಾನೆ ಹೊತ್ತಿನಲ್ಲಿ ಸೂರ್ಯೋದಯವಾಗಲಿದೆ ಎಂಬ ಸುಂದರ ಕ್ಷಣಗಳಲ್ಲಿ ಸಾಲಿಗ್ರಾಮದ ಶ್ರೀ ಗುರು ನರಸಿಂಹ ದೇವಾಲಯದಲ್ಲಿ ಭಕ್ತ ಸಾಗರವೇ ನೆರೆದಿತ್ತು. ದೇವಳದ ತುಂಬೆಲ್ಲ ಸಹಸ್ರ ಸಹಸ್ರ ಸಂಖ್ಯೆಯಲ್ಲಿ ವ್ಯವಸ್ಥಿತವಾಗಿ ಇರಿಸಿದ್ದ ಹಣತೆಗಳನ್ನು ಹಚ್ಚಿದ ಭಕ್ತರು ಹಣತೆಯ ತಂಬೆಳಕಿನಲ್ಲಿ ಆರಾಧ್ಯದೈವ ಶ್ರೀ ಮದ್ಯೋಗಾನಂದ ಗುರು ನರಸಿಂಹ, ಗಣಪತಿ ಮತ್ತು ಶ್ರೀ ದುರ್ಗಾ ಪರಮೇಶ್ವರಿ ದೇವರುಗಳನ್ನು ಕಂಡು ಭಕ್ತಿ ಪರವಶರಾದರು. ಒಂದೆಡೆ ಮಂಗಳ ವಾದ್ಯ,ಇನ್ನೊಂದೆಡೆ ಋತ್ವಿಜರಿಂದ ರುದ್ರ ಪಾರಾಯಣ, ಮಗುದೊಂದೆಡೆ ಮಹಿಳೆಯರಿಂದ ವಿಷ್ಣು ಸಹಸ್ರನಾಮ ಪಠಣ ಹೀಗೆ ಒಟ್ಟಾರೆ ದೇಗುಲಕ್ಕೆ ದೇಗುಲವೇ ಸಂಭ್ರಮದ ಆಲಯವಾಗಿತ್ತು; ಭಕ್ತಿಯ ನೆಲೆಯಾಗಿತ್ತು. ಸಾಲಿಗ್ರಾಮ ಬ್ರಾಹ್ಮಣ ಮಹಾಸಭೆಯವರ ಭಜನೆಯ ನಿನಾದವು ಅನುರಣಿಸುತ್ತಿತ್ತು, ಸೇರಿದ್ದ ಅಸಂಖ್ಯಾತ ಭಕ್ತರು ಏಕ ಕಾಲಕ್ಕೆ ಹಣತೆಗಳನ್ನು ಹಚ್ಚಿದರು.

ಈ ಸಂದರ್ಭದಲ್ಲಿ ಅಡಳಿತ ಮಂಡಳಿಯ ಕಾರ್ಯದರ್ಶಿ ಲಕ್ಷ್ಮೀ ನಾರಾಯಣ ತುಂಗ, ಕೋಶಾಧಿಕಾರಿ ಪರಶುರಾಮ ಭಟ್ಟ, ಕೂಟ ಮಹಾ ಜಗತ್ತಿನ ಕೇಂದ್ರ ಸಂಸ್ಥೆಯ ಉಪಾಧ್ಯಕ್ಷ ಕಾಟಿಪಳ್ಳ ಮಂಗಳೂರಿನ ಪಿ.ಸದಾಶಿವ ಐತಾಳ, ಕೇಂದ್ರ ಸಂಸ್ಥೆಯ ಕಾರ್ಯದರ್ಶಿ ಸುರೇಶ ತುಂಗ, ವಲಯ ಸಂಘಟನಾ ಕಾರ್ಯದರ್ಶಿ ಶ್ರೀಪತಿ ಅಧಿಕಾರಿ, ಸಾಲಿಗ್ರಾಮ ಅಂಗಸoಸ್ಥೆಯ ಅಧ್ಯಕ್ಷ ಪಿ.ಸಿ.ಹೊಳ್ಳ, ಮತ್ತಿತರ ಪದಾಧಿಕಾರಿಗಳು, ಮಹಿಳಾ ವೇದಿಕೆಯ ಅಧ್ಯಕ್ಷೆ ಯಶೋದಾ ಹೊಳ್ಳ ಮತ್ತಿತರ ಪದಾಧಿಕಾರಿಗಳು , ಯುವ ವೇದಿಕೆಯ ಪ್ರತಿನಿಧಿಗಳು, ವಿವಿಧ ಅಂಗಸoಸ್ಥೆಯ ಪ್ರತಿನಿಧಿಗಳು, ಗ್ರಾಮ ಮೊಕ್ತೇಸರ ವೃಂದದ ಚಿದಾನಂದ ತುಂಗ, ಮಹಾಬಲ ಹೇರ್ಳೆ, ಕೋಡಿ ನಾಗೇಂದ್ರ ನಾವಡ, ವೇದ ವಿದ್ಯಾರ್ಥಿಗಳು, ಅರ್ಚಕ ಹಾಗೂ ಸಿಬ್ಬಂದಿ ವರ್ಗ ಮತ್ತು ಊರ ಪರವೂರ ಹತ್ತು ಸಮಸ್ತರು ಪಾಲ್ಗೊಂಡಿದ್ದರು. ಬೆಳಗ್ಗಿನ ಮಹಾ ಪೂಜೆಯ ನಂತರ ಸಾರ್ವಜನಿಕ ಪನಿವಾರ ವಿತರಣೆಯನ್ನು ಮಾಡಲಾಯಿತು.

ಸಾಲಿಗ್ರಾಮದ ಶ್ರೀ ಗುರು ನರಸಿಂಹ ದೇವಸ್ಥಾನ ಇದರ ವಾರ್ಷಿಕ ಭವ್ಯ ದರ್ಶನಕ್ಕೆ ದೇಗುಲದ ಆಡಳಿತ ಮಂಡಳಿಯ ಅಧ್ಯಕ್ಷ ಡಾ.ಕೆ.ಎಸ್.ಕಾರಂತ ದಂಪತಿಯಿoದ ತೀರ್ಥ ಮಂಟಪದ ಮುಂಭಾಗದಲ್ಲಿರಿಸಿದ್ದ ದೀಪವನ್ನು ಪ್ರಜ್ವಲಿಸುವದ ಮೂಲಕ ಚಾಲನೆ ನೀಡಿದರು. ಅಡಳಿತ ಮಂಡಳಿಯ ಕಾರ್ಯದರ್ಶಿ ಲಕ್ಷ್ಮೀ ನಾರಾಯಣ ತುಂಗ, ಕೋಶಾಧಿಕಾರಿ ಪರಶುರಾಮ ಭಟ್ಟ, , ಕೂಟ ಮಹಾ ಜಗತ್ತಿನ ಕೇಂದ್ರ ಸಂಸ್ಥೆಯ ಉಪಾಧ್ಯಕ್ಷ ಕಾಟಿಪಳ್ಳ ಮಂಗಳೂರಿನ ಪಿ.ಸದಾಶಿವ ಐತಾಳ, ಕೇಂದ್ರ ಸಂಸ್ಥೆಯ ಕಾರ್ಯದರ್ಶಿ ಸುರೇಶ ತುಂಗ ಇದ್ದರು.