
ಕೋಟ: ಯಕ್ಷಗಾನ ಪ್ರೋತ್ಸಾಹಕ, ಕಲಾಭಿಮಾನಿ, ಗುಂಡ್ಮಿ ಕಾಳಿಂಗ ನಾವಡರ ನಿಕಟವರ್ತಿ ದಿವಂಗತ ಗುಂಡ್ಮಿ ಶಂಕರನಾರಾಯಣ ಉಪಾಧ್ಯರ ಸಂಸ್ಮರಣಾ ಕಾರ್ಯಕ್ರಮವು ಇಂದು 5-30 ಕ್ಕೆ ನಡೆಯಲಿದೆ.
ಸಾಲಿಗ್ರಾಮದ ಗುಂಡ್ಮಿಯಲ್ಲಿರುವ ಯಕ್ಷಗಾನ ಕಲಾಕೇಂದ್ರದ ಸದಾನಂದ ರಂಗ ಮಂಟಪದಲ್ಲಿ ನಡೆಯುವ ಈ ಕಾರ್ಯಕ್ರಮದಲ್ಲಿ ಯಕ್ಷಗಾನದ ಉದಯೋನ್ಮುಖ ಕಲಾವಿದ ನಾಗರಾಜ ದೇವಲ್ಕುಂದ ಇವರಿಗೆ ಆರ್ಥಿಕ ಸಹಾಯ ನೀಡಿ ಗೌರವಿಸಲಾಗುವುದು.
ನಂತರ “ ರಾಜಾ ಯಯಾತಿ” ಯಕ್ಷಗಾನ ಪ್ರದರ್ಶನವಿದ್ದು ಹಿರಿಯ ಕಲಾವಿದರಾದ ಸರ್ವಶ್ರೀ ಉದಯಕುಮಾರ ಹೊಸಾಳ, ಕೆ.ಜೆ.ಸುಧೀಂದ್ರ, ವಾಗ್ವೀಲಾಸ ಭಟ್ಟ, ಕೊಂಡದಕುಳಿ ರಾಮಚಂದ್ರ ಹೆಗಡೆ, ಮಂದಾರ್ತಿ ಪ್ರಸನ್ನ ಶೆಟ್ಟಿಗಾರ್, ಕಾಸರಕೋಡು ಶ್ರೀಧರ ಭಟ್ಟ, ಸುಧೀರ ಉಪ್ಪೂರು, ಸದಾಶಿವ ಭಟ್ಟ ಯಲ್ಲಾಪುರ, ಪ್ರಶಾಂತ ಮಯ್ಯ, ವಿನಯ ಕುಮಾರ ಹಟ್ಟಿಯಂಗಡಿ ಇವರು ಭಾಗವಹಿಸಲಿದ್ದಾರೆ ಎಂದು ಕಲಾಕೇಂದ್ರದ ಕಾರ್ಯದರ್ಶಿ ಐರೋಡಿ ರಾಜಶೇಖರ ಹೆಬ್ಬಾರ ತಿಳಿಸಿದ್ದಾರೆ













Leave a Reply