ಕೋಟ: ಸಾಸ್ತಾನ ಕೋಡಿ ಕನ್ಯಣದ ವೀರ ಕಲ್ಕುಡ-1 ಟ್ರಾವಲರ್ ಬೋಟ್‌ ಮಂಗಳೂರು ಬಳಿ ಮುಳುಗಡೆಯಾಗಿ ಅದರಲ್ಲಿದ್ದ ಮೀನಿನ ಬಲೆ, ಮೀನು ಮತ್ತು ಇತರ ಸಲಕರಣೆಗಳು ಸಮುದ್ರಪಾಲಾದ ಘಟನೆ ನಡೆದಿದೆ.
ಕಳೆ 17ರಂದು ಮಲ್ಪೆ ಬಂದರಿನಿಂದ ಹೊರಟ ಈ ಬೋಟು ತಣ್ಣೀರುಬಾವಿ ಮಾರ್ಗವಾಗಿ 18ರಂದು ಮೀನುಗಾರಿಕೆ ನಡೆಸುತ್ತಾ ಇದ್ದಾಗ , ಸಮುದ್ರದ ಅಲೆಗಳ ಹೊಡೆತಕ್ಕೆ ಬೋಟಿನ ತಳಭಾಗದ ಫೈಬರ್ ಹೊಡೆದು, ಬೋಟಿನ ತಳಭಾಗದಿಂದ ನೀರು ಬೋಟಿನೊಳಗೆ ಬಂದು. ಬೋಟಿನಲ್ಲಿದ್ದ 10 ಮೀನಿನ ಬಲೆ, ಡಿಸೇಲ್, ಮಂಜುಗಡ್ಡೆ, ರೂ.60 ಸಾವಿರ ಮೌಲ್ಯದ ಮೀನು, ಜಿಪಿಎಸ್. ವಿ.ಹೆಚ್.ಎಫ್. ಎಕೋ ಸೌಂಡರ್ ಮತ್ತು ಇತರೆ ಎಲೆಕ್ಟ್ರಾನಿಕ್ ಉಪಕರಣಗಳು ಮತ್ತು ಎಲ್ಲಾ 05 ಜನರ ಮೊಬೈಲ್ ಗಳು ಮುಳುಗಿ ಹೋಗಿರುತ್ತದೆ.
ಈ ಸಂದರ್ಭದಲ್ಲಿ ಪ್ರಾಣ ರಕ್ಷಣೆಗಾಗಿ ತುರ್ತು ಸಂದರ್ಭದಲ್ಲಿ ಬಳಸುವಂತಹ ಟಾರ್ಚ್ ಲೈಟ್‌ನ್ನು ಬಳಸಿ ಬೋಟಿನಲ್ಲಿದ್ದ 5 ಜನರನ್ನು ರಕ್ಷಿಸಿದ್ದಾರೆ. ಬೋಟು ಸಂಪೂರ್ಣ ಮುಳುಗಡೆಯಾಗಿದ್ದು, ಬೋಟಿನಲ್ಲಿದ್ದ ಎಲ್ಲಾ ಸಾಮಾಗ್ರಿಗಳು ಮತ್ತು ವಿವಿಧ ರೀತಿಯ ಮೀನುಗಳು ಸಮುದ್ರ ಪಾಲಾಗಿ, ಒಟ್ಟು ಸುಮಾರು ಅಂದಾಜು 35 ಲಕ್ಷ ರೂಪಾಯಿ ನಷ್ಟ ಉಂಟಾಗಿದೆ ಎಂದು ಅಂದಾಜಿಸಲಾಗಿದೆ.
ವಿಮಾ ಪರಿಹಾರಕ್ಕೆ ಮನವಿ
ಈ ಬಗ್ಗೆ ಸಂಬಂಧಪಟ್ಟ ಇಲಾಖೆಯಿಂದ ವಿಮಾ ಪರಿಹಾರ ಪಡೆಯುವ ಬಗ್ಗೆ ಮಂಗಳೂರಿನ ಕರಾವಳಿ ಕಾವಲು ಪೊಲೀಸ್‌ ಠಾಣೆಯಲ್ಲಿ ಸಾಸ್ತಾನ ಕೋಡಿ ಕನ್ಯಾಣದ ರವೀಂದ್ರ ಎಸ್‌ ಪೂಜಾರಿ ದೂರು ದಾಖಲಿಸಿದ್ದಾರೆ.
Leave a Reply