ನ.23 ಮಣೂರು ಕಂಬಳ

ಕೋಟ:ಇಲ್ಲಿನ ಇತಿಹಾಸ ಪ್ರಸಿದ್ಧ ಸಾಂಪ್ರದಾಯಕ ಮಣೂರು ಕಂಬಳ ಮಹೋತ್ಸವ ಭಾನುವಾರ ನ.23ರಂದು ಮಣೂರು ಮಳಲುತಾಯಿ ದುರ್ಗಾಪರಮೇಶ್ವರಿ ದೇಗುಲ ಸಮೀಪದ ಕಂಬಳಗದ್ದೆಯಲ್ಲಿ ಜರಗಲಿದೆ

ನವೆಂಬರ್ 29, ಗುಲ್ವಾಡಿ ದೊಡ್ಮನೆ ಪಾರಂಪರಿಕಾ ಕಂಬಳ
ಇತಿಹಾಸ ಪ್ರಸಿದ್ಧ ಗುಲ್ವಾಡಿ ಕಂಬಳ, ದೊಡ್ಮನೆ ಮನೆತನದ ಉಸ್ತುವಾರಿಯಲ್ಲಿ ಹಲವಾರು ವರ್ಷಗಳಿಂದ ಪಾರಂಪರಿಕವಾಗಿ ನಡೆದು ಬಂದಿತ್ತು. ಈ ಬಾರಿ ಇನ್ನೂ ವಿಶೇಷವಾಗಿ ಬಹುಮಾನವನ್ನೊಳಗೊಂಡ ಸ್ಪರ್ಧಾತ್ಮಕ ಕಂಬಳ ಇದಾಗಿದ್ದು, ಹಲಗೆ ಓಟ ಹಾಗೂ ಹಗ್ಗದ ಓಟದ ಹಿರಿಯ ವಿಭಾಗದಲ್ಲಿ ಪ್ರಥಮ, ದ್ವಿತೀಯ, ತೃತೀಯವಾಗಿ 10000, 7000, 5000ರೂಪಾಯಿಗಳ ಬಹುಮಾನದೊಂದಿಗೆ ಶಾಶ್ವತ ಫಲಕವನ್ನೂ ನೀಡಲಾಗುವುದು. ಹಗ್ಗದ ಓಟ ಕಿರಿಯ ವಿಭಾಗದಲ್ಲಿ 8000, 5000, 3000ರೂ. ಬಹುಮಾನ ನೀಡಲಾಗುವುದು. ಜೊತೆಗೆ ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲಾ ಕೋಣಗಳ ಮಾಲಕರಿಗೂ ಪ್ರೋತ್ಸಾಹ ಧನ ನೀಡಲಾಗುವುದು ಎಂದು ಗುಲ್ವಾಡಿ ದೊಡ್ಮನೆ ಭಾಸ್ಕರ ಶೆಟ್ಟಿ ಹಾಗೂ ಸಂಚಾಲಕರಾದ ಮಲ್ಯಾಡಿ ಸೀತಾರಾಮ ಶೆಟ್ಟಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.