ಛಾಯಾ ತರಂಗಿಣಿ ಭಜನಾ ಮಂಡಳಿಯ ವತಿಯಿಂದ ಗೀತಾ ಪಠಣ ಕಾರ್ಯಕ್ರಮ ಹಾಗೂ ಭಜನೋತ್ಸವಗಳ ಪೂರ್ವಭಾವಿ ತರಬೇತಿ ಕಾರ್ಯಕ್ರಮ

ಕೋಟ: ಉಡುಪಿಯ ಪರ್ಯಾಯ ಶ್ರೀ ಪುತ್ತಿಗೆ ಮಠದವರ ಅಧ್ವರ್ಯು ತನದಲ್ಲಿ ನ. 28 ರಂದು ದೇಶದ ಪ್ರಧಾನಿ ನರೇಂದ್ರ ಮೋದೀಜಿಯವರ ಸಮ್ಮುಖದಲ್ಲಿ ನಡೆಯಲಿರುವ ಗೀತಾ ಪಠಣ ಕಾರ್ಯಕ್ರಮ ಹಾಗೂ ಭಜನೋತ್ಸವಗಳ ಪೂರ್ವಭಾವಿ ತರಬೇತಿಯು ಇತ್ತೀಚಿಗೆ ಮಣೂರು ಶ್ರೀ ಮಹಾಲಿಂಗೇಶ್ವರ ಸಭಾ ಭವನದಲ್ಲಿ ಛಾಯಾ ತರಂಗಿಣಿ ಭಜನಾ ಮಂಡಳಿಯ ವತಿಯಿಂದ ನಡೆಯಿತು.

ಛಾಯಾ ತರಂಗಿಣಿ ಭಜನಾ ಮಂಡಳಿಯ ಹಿರಿಯ ಸದಸ್ಯೆ ಭಾಗ್ಯ ವಾದಿರಾಜ್ ಅವರು ಜ್ಯೋತಿ ಬೆಳಗಿ ಶುಭಾಶಂಸನೆಗೈದರು. ಭಗವದ್ಗೀತೆಯ ತರಬೇತುದಾರರಾಗಿ ಗೀತಾ ಪರಿವಾರ ಸಂಸ್ಥೆಯಲ್ಲಿ ಆನ್ಲೈನ್ ಭಗವದ್ಗೀತೆಯ ಕಲಿಕೆಗೆ ಸಂಬoಧಿಸಿದ ವಿವಿಧ ವಿಭಾಗಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಗಾಯತ್ರಿ ಹೊಳ್ಳ ಭಾಗಿಯಾಗಿ ತರಬೇತಿ ನೀಡಿದರು. ಸುಮಾರು 70–80 ಜನ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ತರಬೇತಿಯ ಪ್ರಯೋಜನ ಪಡೆದುಕೊಂಡರು.

ಸoಗೀತ ಶಿಕ್ಷಕಿ ಹಾಗೂ ಛಾಯಾ ತರಂಗಿಣಿ ಭಜನಾ ಮಂಡಳಿಯ ಅಧ್ಯಕ್ಷೆ ಭಾಗ್ಯೆಶ್ವರೀ ಮಯ್ಯ ಸ್ವಾಗತಿಸಿ, ಮಂಡಳಿಯ ನಿರ್ದೇಶಕ ಗೋಪಾಲ ಕೃಷ್ಣ ಮಯ್ಯ ವಂದಿಸಿದರು. ಭಜನಾ ಮಂಡಳಿ ಯ ಸ್ಮಿತಾ ರಾಣಿ, ಜ್ಯೋತಿ ಕೆದಿಲಯ ಮತ್ತು ಸುವರ್ಣ ಅವರು ಸಹಕರಿಸಿದರು.

ಕೋಟದ ಛಾಯಾ ತರಂಗಿಣಿ ಭಜನಾ ಮಂಡಳಿಯ ವತಿಯಿಂದ ಗೀತಾ ಪಠಣ ಕಾರ್ಯಕ್ರಮ ಹಾಗೂ ಭಜನೋತ್ಸವಗಳ ಪೂರ್ವಭಾವಿ ತರಬೇತಿ ಕಾರ್ಯಕ್ರಮ ಇತ್ತೀಚಿಗೆ ಇತ್ತೀಚಿಗೆ ಮಣೂರು ಶ್ರೀ ಮಹಾಲಿಂಗೇಶ್ವರ ಸಭಾ ಭವನದಲ್ಲಿ ಜರಗಿತು.ಗಾಯತ್ರಿ ಹೊಳ್ಳ, ಸಂಗೀತ ಶಿಕ್ಷಕಿ ಹಾಗೂ ಛಾಯಾ ತರಂಗಿಣಿ ಭಜನಾ ಮಂಡಳಿಯ ಅಧ್ಯಕ್ಷೆ ಭಾಗ್ಯೆಶ್ವರೀ ಮಯ್ಯ, ಮಂಡಳಿಯ ನಿರ್ದೇಶಕ ಗೋಪಾಲ ಕೃಷ್ಣ ಮಯ್ಯ ಇದ್ದರು.