
ಅಂಬಲಪಾಡಿಯಲ್ಲಿರುವ ಈಶಾವಾಸ್ಯಂ ನಲ್ಲಿ ಪ್ರಸಿದ್ಧ ವಿದ್ವಾಂಸರೂ , ಪ್ರವಚನಕಾರರೂ ತಿರುಪತಿ ರಾಷ್ಟ್ರೀಯ ಸಂಸ್ಕೃತ ವಿ ವಿ ಯ ಪ್ರಾಧ್ಯಾಪಕರೂ ಆಗಿರುವ ಡಾ ಶ್ರೀಹರಿ ವಾಳ್ವೇಕರ್ ಅವರ 5 ದಿನಗಳ ಅಧ್ಯಾತ್ಮ ಚಿಂತನ ಸರಣಿ ಬುಧವಾರ ಸಂಜೆ ಉದ್ಘಾಟನೆಗೊಂಡಿತು.
ಈಶಾವಾಸ್ಯ ಪ್ರತಿಷ್ಠಾನ ಮತ್ತು ಡಾ ಬನ್ನಂಜೆ ಗೋವಿಂದ ಪಂಡಿತಾಚಾರ್ಯರ ನವತಿ ಜನ್ಮವರ್ಧಂತಿ ಸಮಿತಿ ಸಹಯೋಗದಲ್ಲಿ ಡಾ ಬನ್ನಂಜೆಯವರ ವಿಶೇಷ ಅಭಿಮಾನಿಗಳೂ ಆಗಿರುವ ಉಡುಪಿಯ ಪ್ರಸಿದ್ಧ ಲೆಕ್ಕಪರಿಶೋಧಕ ಕೆ ಪ್ರಸಾದ ಉಪಾಧ್ಯಾಯರು ಆಯೋಜಿಸಿರುವ ಈ ಚಿಂತನ ಸರಣಿ 5 ದಿನಗಳ ಕಾಲಸಂಜೆ 6-7 ರ ವರೆಗೆ ಈಶಾವಾಸ್ಯಂನಲ್ಲಿ ನಡೆಯಲಿದೆ.
ಉದ್ಘಾಟನಾ ಕಾರ್ಯಕ್ರಮದಲ್ಲಿ ಯುವ ವಿದ್ವಾಂಸರಾದ ಡಾ ವಿಜಯಸಿಂಹ ತೋಂಟಂತಿಲ್ಲಾಯರು ಪ್ರಸ್ತಾವನೆಗೈದರು. ವಿ|| ಹೆರ್ಗ ರವೀಂದ್ರಭಟ್ , ಈಶಾವಾಸ್ಯ ಪ್ರತಿಷ್ಠಾನದ ಕಾರ್ಯದರ್ಶಿ ವಿನಯಭೂಷಣಾಚಾರ್ಯ , ಕೆ ಪ್ರಸಾದ ಉಪಾಧ್ಯಾಯ , ಉಪಸ್ಥಿತರಿದ್ದರು. ಪೂಜಾ ಆಚಾರ್ಯರು ಪ್ರಾರ್ಥಿಸಿದರು. ವಾಸುದೇವ ಭಟ್ ಪೆರಂಪಳ್ಳಿ ಕಾರ್ಯಕ್ರಮ ನಿರೂಪಿಸಿದರು .ವಿದ್ವಾನ್ ಅಭಿರಾಮ ತಂತ್ರಿ , ವಿಘ್ನೇಶ್ ರಾಹುಲ್ ಆಚಾರ್ಯರು ಸಹಕರಿಸಿದರು..














Leave a Reply